СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ 25 ДУГААР ХУРАЛДААН БОЛЛОО. Хуралдаанаар дараах асуудлыг хэлэлцэн шийдвэрлэлээ. Үүнд: 1.Сонгуулийн хэсэг байгуулах тухай 2.Гэмт хэргээс урьдчилан сэргийлэх салбар зөвлөлийн бүрэлдэхүүнийг шинэчлэн батлах тухай 3. “Мандал Энерго” ОНӨААТҮГ-ын 2023 оны төсвийн гүйцэтгэлийн тухай 4. “Тохилог Хараа” ОНӨААТҮГ-ын 2023 оны төсвийн гүйцэтгэлийн тухай 5.“Энх Мэнд” ОНӨААТҮГ-ын 2023 оны төсвийн гүйцэтгэлийн тухай

СУМЫН ГЭМТ ХЭРГЭЭС УРЬДЧИЛАН СЭРГИЙЛЭХ САЛБАР ЗӨВЛӨЛИЙН ЭЭЛЖИТ ХУРАЛ БОЛЛОО. Хуралдаанаар дараах асуудлуудыг хэлэлцлээ. Үүнд: 📌1. Сумын гэмт хэргээс урьдчилан сэргийлэх салбар зөвлөлийн 2024 оны үйл ажиллагааны төлөвлөгөөний эхний 4 сарын байдлаар хийсэн ажлын тухай 📌2.Сумын хүүхэд хамгааллын хамтарсан багийн цаг үеийн мэдээлэл 📌3."Амгалан хараа" дэд хөтөлбөрийн хэрэгжилтийн тухай тус тус сонсож ажлыг эрчимжүүлж сайжруулах талаар үүрэг чиглэлийг өглөө.

Олон улсын Улаан загалмайн өдөр буюу 5 сарын 8-ны өдөр Мандал суманд Хүмүүнлэгийн өдрийн үйл ажиллагааг зохион байгууллаа. 🚩Тус үйл ажиллагаанд Сэлэнгэ аймгийн бүх сумдын Улаан загалмайн Анхан шатны хорооны тэргүүнүүд ажлын албаны мэргэжилтнүүдтэй хүрэлцэн ирж оролцлоо. 🚩Үйл ажиллагааны үеэр " Бороо Гоулд " ХХК-ийн зүгээс хүмүүнлэгийн үйл ажиллагаанд нэгдэж Мандал сумын 9 багийн 9 иргэнд өргөө цагаан гэрийг гардуулан өглөө. 🚩Мөн Мандал сумын Улаан загалмайн анхан шатны хороо, Сэлэнгэ аймгийн сумдын Улаан загалмайн нийгэмлэгээс сумын Онцгой байдлын хэлтсийн үйл ажиллагаанд дэмжлэг үзүүлж тусламж үйлчилгээний хэрэгслүүдийг гардуулснаас гадна иргэдэд хүнсний тусламж үзүүллээ. 🚩Олон улсын Улаан загалмайн өдрөөр сурагч хүүхдүүд хүмүүнлэгийн үйл ажиллагаанд нэгдэж өсвөрийн улаан загалмайчдын тангараг өргөж үнэмлэхээ гардан авлаа.

СУМЫН ИРГЭДИЙН ТӨЛӨЛӨГЧДИЙН ХУРЛЫН ЗӨВЛӨЛИЙН ЭЭЛЖИТ ХУРАЛДААН БОЛЛОО. 📌Хуралдаанаар: 1.ИТХ-с баталсан “Чадварлаг багш” дэд хөтөлбөрийн хэрэгжилт 2.Монгол Улсын Засгийн газраас хэрэгжүүлж буй Шинэ сэргэлтийн бодлогын хүрээнд Мандал суманд үйл ажиллагаа явуулж байгаа уурын зуух, дулаан үйлдвэрлэгч аж ахуй нэгжийн өнөөгийн нөхцөл байдалтай танилцах 3.ОНХС-ын Хяналтын хорооны хяналт шалгалтын танилцуулга 4.ХАА байгаль орчны бодлогын хорооны хяналт шалгалтын танилцуулга 5.Сумын өнөөгийн цаг үеийн асуудлын талаарх мэдээллийг сонсож цаашид хэрхэн ажиллах талаар үүрэг чиглэлийг өглөө. 📌Мөн өнөөдрийн зөвлөлийн хуралдаанаар иргэдийн Төлөөлөгчдийн Хурлаас баталсан “Чадварлаг багш” дэд хөтөлбөрийн хүрээнд хийж хэрэгжүүлж байгаа ажлын талаар сонсож, мөн Элсэлтийн ерөнхий шалгалтаар аймаг, болон сумын хэмжээнд хамгийн өндөр оноо авсан сурагч болон бэлтгэсэн багш нарыг урамшууллаа. 1. 5-р сургуулийн 12а анги сурагч О.Санчир- Математик, Физик, 12а ангийн сурагч М.Энхэрдэнэ Биологи Бэлтгэсэн багш: Математикийн багш В.Болормаа Физикийн багш Г.Мягмарсүрэн Биологийн багш Т.Тэгшжаргал 2. 3-р сургуулийн 12б ангийн сурагч Б.Энхжин- Хими Бэлгэсэн багш: Химийн багш М.Отгон-Эрдэнэ 3. Хэрх сургуулийн 12а ангийн сурагч А.Буянтөгөлдөр- Газарзүй Бэлтгэсэн багш: Газарзүйн багш Б.Болортуяа 4. 1-р сургууль 12б ангийн сурагч Э.Отгон-Эрдэнэ- Биологи Бэлтгэсэн багш: Биологийн багш Д.Хүрэлцэцэг “Чадварлаг багш” хөтөлбөр хэрэгжсэнээр багш бэлтгэх багшийн мэргэжлийн тасралтгүй хөгжил, багшийн ажиллах нөхцөл боломж, чадвар чадамжийг дээшлүүлэх, багшийн хөгжилд анхаарч ялангуяа суралцагчийн хөгжлийн хэрэгцээг хангасан, бүтээлч чадварлаг багшийг бэлтгэх, багшид мэргэжлийн стандартад суурилан уян хатан хэлбэрээр тасралтгүй хөгжих боломж нөхцлийг бүрдүүлэх, дижитал технологи ашиглах зэрэг зорилт, үйл ажиллагааг хэрэгжүүлэн ажиллаж байгаа тухай энэ үеэр сургуулийн багш, удирдлагуудад онцоллоо.

Коронавирусийн /COVID-19/ халдвараас сэргийлэх ажлын хүрээнд Иргэд, ААНБ-аас өгсөн хандиваар Хүчилтөрөгч өтгөрүүлэгч аппарат 3ш, Отсос цэр соруулагч аппарат 3ш худалдан авч өрхийн эрүүл мэндийн төвийн эмч нарт хүлээлгэн өглөө. Та бүхэнд ажлын амжилт хүсье. Хандив өгсөн ААНБ,Иргэдэд талархал илэрхийлье. Иргэн бүр эрүүл байх болтугай